- Na xunta de Cogersa tamién s'aldericaba la aprobación de l'adecuación del proyectu de la planta de reciclaje de basura bruta pa faer posible la producción de Combustible Deriváu de Residuos (CDR) pa quemar nes cementeres.
Ante la xunta convocada para pola Xunta de Gobiernu de COGERSA pa «empecipiar los trámites medioambientales y alministrativos conducentes a la llicitación, axudicación, construcción y puesta en marcha de la planta de valorización enerxética», esto ye, la incineradora, diverses organizaciones asturianes [1] ente elles Ecoloxistes n'Aición d'Asturies, fixeron entrega d´un manifiestu conxuntu a tolos grupos políticos que formen la Xunta Xeneral del Principáu d´Asturies.
En dichu escritu manifestaron el so refugu a dichu proxecto d´incineradora porque ye la opción más cara económicamente pa la ciudadanía y los conceyos; en contra de lo que se diz, nun ye una alternativa al vertideru: el 30% de la basura qu´entra conviértese n´escories y cenices tóxiques que depués hai que llevar a un vertideru especial; porque, a pesar de toles meyores tecnolóxiques, sigui emitiendo a l´atmósfera partícules desaxeradamente tóxiques y altamente peligroses pa la salú; porque desincentiva l´amenorgamientu, la reutilización y el reciclaje y porque destrúi grandes cantidá de materies primes.
Amás constataron qu´esisten alternatives de xestión de los resiudos que suponen una contribución al aforru de materies primes, al caltenimientu de los recursos naturales, del clima y al desenvolvimientu d´una economía más sostenible, pente medies de la valorización material (reciclaje y compostaje) de les basures domiciliaries. Al igual que se xenera una menor cantidá de fracción resto a esaniciar en vertideru, que cenices y escories produciría la incineradora que quier llevase a cabu.
Y denunciaron LA IMPOSICIÓN COMO PRÁCTICA DE EL PROMOTORES DE LA INCINERADORA Y SOLICITARON L´APERTURA D´UN PROCESU DE DIALOGO, ente toles fuerces polítiques con representación parlamentaria y les principales organizaciones sociales, hasta algamar un Pactu Sociopolítico pa una Xestión Sostenible de los Residuos d´Aniciu Domiciliariu, a partir de los trés presupuestos siguientes:
- Cumplimientu de los oxetivos d´amenorgamientu, reutilización y reciclaje de los resiudos d´envases y de compostaje de la fracción orgánica p´amenorgar el so depósitu en vertideru, conforme a lo establecío nel vixente Plan Básicu de Xestión de Residuso d´Asturies.
- Evaluación de los sistemes municipales de recoyida selectiva con cuenta d´impulsar la so eficiencia.
- Realización por una entidá independiente del correspondiente estudiu d´impactu ambiental sobro les distintes opciones de tratamientu de la fracción resto o non aprovechable de los residuos d´aniciu domiciliariu.
[1] Asamblea de Ciudadanos por la Izquierda, Asociación Amigos de la Naturaleza Asturiana (ANA), Asociación Medioambiental Ecos Astures, Asociación Medioambiental La Cirigüeña, Asociación para la Defensa de la Sanidad Pública de Asturias, Bloque por Asturies, COAG-Asturias, Colectivo Ecologista de Avilés, Confederación de Asociaciones de Vecinos de Asturias, Consejo de la Producción Agraria Ecológica del Principado de Asturias (COPAE), Coordinadora Ecoloxista d'Asturies, Ecoloxistes n'Aición d'Asturies, Greenpeace, Grupo de Recuperación y Estudio de Espacios Naturales (GREEN), Izquierda Unida de Asturias, Jóvenes Verdes, Lliberación, Los Verdes de Asturias, Los Verdes-Grupo Verde, Unidá Nacionalista Asturiana (UNA), Unión de Consumidores de Asturias, WWF – Grupo de Asturias
