Chernobil, Fukushima: ¡NON A LA ENERXÍA NUCLEAR EN TOL MUNDU!

La traxedia de Xapón espertó la solidaridá de too el mundu pola perdida de
miles de vides humanes y de vastes rexones y ciudaes d’esi país debíu al
terremotu de magnitú 9 y el posterior tsunami qu’afaró con importantes
porciones de territoriu xaponés. Les redes, organizaciones [1] y persones
embaxo firmantes queremos espresar en primer llugar nueses más fondes
condolencias col pueblu xaponés y faer conocer el nuesu dolor compartíu y
solidaridá pola emerxencia humanitaria provocada por esti desastre.

Coles mesmes ye altamente esmolecedor l’impactu que causó’l desastre natural
na central nuclear de Fukushima causando esplosiones y que llevó a una
situación de grave riesgu pola lliberación de material radiactivo, situación
que puede empiorar si se fúnden los elementos del núcleu d’esta planta por
sobre calentamientu. Tamién tán en peligru otres dos plantes nucleares en
situaciones de riesgu en Onagawa y Tokai. El gobiernu xaponés viose obligáu
a apagar 11 centrales nucleares coles mires de prevenir más desastres lo que
dexó ensin suministru d’eletricidá a más de 6 millones de persones. 200.000
persones yá fueron sacupaes pa prevenir una posible esposición a los efectos
nocivos d’un accidente nuclear y yá se tán tomando midíes de salú pública
cola población espuesta.

Esta tráxica situación sollértanos UNA VEGADA MAS sobre l’enorme peligru que
signifiquen les instalaciones nucleares pa la supervivencia y seguridá del
planeta y recuérdennos la resistencia d’activistes xaponeses que fai 40 años
negáronse a la construcción d’estes plantes. Güei el mundu ta camudando, non
solo polos riesgos de desastres naturales sinón polos riesgos a los que
tamos sometíos por impactu del cambéu climáticu que produció grandes
hinchentes, llavuquies y alteraciones severes na habitabilidad del planeta,
como los argayos en Ríu de Janeiro qu’apocayá punxeron n’amenaza centrales
nucleares instalaes na zona teniendo de ser paraes hasta que s’estabilizo la
situación. Esta vulnerabilidá global ten de ser considerada adicionalmente,
pero sobremanera débese ser consciente de que la tecnoloxía y el dineru nun
salvaren vides una vegada producíes les traxedies.

La crisis climática y la necesidá d’enerxía dieron llugar a que sobremanera
les grandes corporaciones y los países desenvueltos, falen de la enerxía
nuclear como enerxía alternativa llimpia y sostenible. Los mesmos proyectos
del Bancu Mundial sobre enerxía consideren a ésta como una importante
posibilidá, con les grandes hidroeléctriques. Cada vez queda más claru
qu’estes son falses soluciones que namá aumenten el peligru y la
vulnerabilidá de la humanidá frente a los cambeos globales.

La enerxía nuclear ta proponiéndose como una fonte d’enerxía alternativa y
«llimpia» nes negociaciones de cambéu climáticu, pero ta demostráu que puede
quedar fora de control tantu técnicu como humanu y afectar a millones de
persones y en particular a les próximes xeneraciones pol so potencial efectu
nocivu na vida. Los Foros Multillaterales como’l Procesu Río+20, el procesu
de la Convención del Clima, los foros rellacionaos con enerxía alternativa y
otros tienen de considerar bien seriamente l’usu de la enerxía nuclear pola
so peligrosidá.

Reclamamos tamién a los gobiernos qu’escuchen les voces de la sociedá civil
de too el mundu que manifestó la so oposición a les falses soluciones,
qu’escuchen a los sos pueblos.

Esiximos que los gobiernos se concentren n’asegurar la sobrevivencia, el
derechu a la habitabilidad, el derechu a la salú y la soberanía alimentaria
de millones de persones nel mundu, en llugar de debilitar les condiciones
nel planeta siguiendo mandatos del capital.

Esiximos y demandamos en tol mundu que se proceda al esmantelamientu de les
centrales nucleares, que se busquen verdaderes soluciones pa los pueblos y
que nel camín aplíquense toes los precuros pa evitar daños que tengamos que
llamentar. Chernóbil, Fukushima son alertes que tienen d’obligar a los
gobiernos a que dexen d’aportunar en siguir promoviendo estos proyectos. La
enerxía nuclear pa suministru d’enerxía y entá ye más con fines bélicos
tienen de parar.

Los negocios nun nos interesen, lo que nos interesa ye la vida y la seguridá
de la población, nun amontar la so vulnerabilidá.

¡NON A LA ENERXÍA NUCLEAR!

[1] Organizaciones que lanzan la iniciativa:

Redes – Amigos de La Tierra – Uruguay
Fundación Solon – Bolivia
Ecologistas en Acción – España
GAIA – Portugal
Blue Planet Project – Canadá
TWN (La Red Del Tercer Mundo) –
FoEM Friends of The Earth – Malaysia
Consumers Association of Penang, Malasia
Plataforma Boliviana Frente al Cambio Climatico
Colectivo Vientosur – Chile
Hijos del Monte, Frente Nacional Campesino – Argentina
FOCO – Foro Ciudadano de Participación por la Justicia y los Derechos Humanos – Argentina
FEDAEPS – Ecuador
MOCICC (Movimiento Ciudadano Frente al Cambio Climático) – Perú
COMDA (Coalición de Organizaciones Mexicanas por el Derecho al Agua)
FOCUS ON THE GLOBAL SOUTH
ALIANZA SOCIAL CONTINENTAL
SEEN PROJECT- IPS – USA
Fundacion Ecosur –Argentina
Fundacion Terram – Chile
Asamblea Ciudadana por la Vida de Chilecito, La Rioja -Argentina
Coordinadora por la defensa del agua y la vida. Provincia de El Loa
Asociación Colectivo Poder y Desarrollo Local – Guatemala
Asociación Vidas Verdes – Perú
Greenpeace – México
Greenpeace – Argentina
Jubileo Sur
Accion Ecologica
OILWATCH – SUDAMERICA
OTROS MUNDOS A.C. – Amig@s de la Tierra México
Federacion Unidad Ecologica Salvadoreña (UNES) EL Salvador
Red De Ambientalistas En Accion – El Salvador
PACJA – Africa
GRAIN
CEUTA (Centro Uruguayo de Tecnologías Apropiadas)
MMM (MARCHA MUNDIAL DE MUJERES)
REMTE – Ecuador
WOMEN COLECTIVE
ANAMPER- Chiclayo – México
CNMSPP “Micaela Bastidas” Chiclayo – México
Women for Peace in Finland, Helsinki
Women Against Nuclear Power, Finland, Helsinki
Friends of the Siberian Forests, Russia
Bureau for Regional Outreach Campaigns – BROC, Vladivostok – Rusia
Space Allies, Japan
Marcha Mundial de las Mujeres de Perú
Red Latinoamericana Mujeres Transformando la Economía -REMTE Perú
REMTE – Bolivia
Indian Social Action Forum (INSAF)
Centro Latino Americano de Ecología Social- CLAES
Grassroots Global Justice Alliance
Chile Sustentable