Aprobada la proposición a favor de la prohibición de resquiebra hidráulica

Toles versiones d’esti artículu: [Asturianu] [Castellano]

Ecoloxistes n’Aición d’Asturies aplaude l’aprobación d’esta Proposición como amuesa de refuga a la resquiebra hidráulica per parte de Xunta Xeneral del Principáu de Asturies, polos sos inaceptables impactu sobre’l territoriu y les comunidaes que lu habiten y espera del Conseyu de Gobiernu que, lo antes posible presente un Anteproyectu de Llei coherente col resolvimientu aprobáu.

Nel Plenu de la Xunta Xeneral del Principáu de Asturies, celebráu güei, aldericóse una Proposición non de llei del Grupu Parlamentariu d’Izquierda Xunida sobre promoción d’una normativa responsable y coherente col principiu de precuru nes decisiones relatives a la estracción de recursos, y d’oposición a la estracción de gas por fracking (resquiebra hidráulica)".

La propuesta, defendida pola diputada de IU Emilia Vázquez, y onde se solicita del Gobiernu asturianu que llexisle pa establecer la prohibición d’esta técnica en tou la comunidá autónoma, na aplicación del principiu de precuru, ante una técnica con importantes y probaos efectos ambientales, de contaminación y sobre el clima. Amás de plantegar duldes sobre la so rentabilidá económica, especialmente si se tien en cuenta la so baxa productividá, y los efectos sobre otros sectores.

La representante del Grupu Popular sofitó la propuesta en base a la gran esmolición social qu’esta técnica xenera, al exemplu d’otros países, que como Francia tamién la prohibieron. Esixe amás que, en llínea cola posición del Parlamentu Européu llexíslese, dientro de les competencies del Principáu de Asturies, que s’aplique’l Principiu de Precuru especialmente si se tien en cuenta que la xurisprudencia cada vez incide más na prevalencia del respetu al mediu ambiente sobre les cuestiones económiques.

Foro Asturies incidió na necesidá d’un cambéu de modelu que faiga menguar la dependencia de los combustibles fósiles cuestiona los graves problemes acomuñaos a la inyección de productos tóxicos nel sosuelu y plantega la necesidá de la prohibición ante les duldes de poder faer estudios sobre proyectos yá en marcha, dada la escasez de recursos debida a los retayos, tantu de l’alministración central como autonómica.

Pela so parte Alloñando Vega, anterior alcalde de Cabranes, el primer conceyu asturianu n’asitiase contra rtesquiebra hidráulica, y en nome del grupu socialista, basó’l so sofitu a la propuesta nel Principiu de Precuru y aportunó na necesidá d’una nueva regulación especialmente na normativa minera, tal que pide’l Parlamentu Européu, faciendo referencia a la propuesta que se va aldericar nel Congresu de lo Diputaos, teniendo en cuenta que los nuevos permisos d’investigación en Asturies, son de competencia estatal.

Pela so parte, el voceru del Grupu Mistu (UPyD) l’únicu que cola so astención nun sofito la propuesta compartió gran parte de los argumentos espuestos pol restu de voceros, magar entamaba la inconveniencia d’una prohibición absoluta de la resquiebra hidráulica, apostando por un moratoria, hasta tener una normativa específica qu’asegurara qu’esta técnica fuera utilizada con bonos criterios ambientales y de forma controlada.

Cola aprobación d’esta Proposición non de Llei, con 43 votos a favor, los d’IX, PSOE, Foru y PP, y l’astención d’UPyD encamentase al Conseyu de Gobiernu a promover nel marcu de les sos competencies una normativa responsable y coherente col principiu de precuru y a oponese a la estracción de gas por quebra hidráulica, por cuenta de los graves impactos ambientales y sociales que trai esta tecnoloxía.

Paco Ramos, voceru de Ecoloxistes n’Aición d’Asturies, declaró que "aplaudimos l’aprobación d’esta Proposición como amuesa de refuga a la resquiebra hidráulica per parte de Xunta Xeneral del Principáu, polos sos inaceptables impactu sobre’l territoriu y les comunidaes que la habiten y esperamos del Conseyu de Gobiernu que, lo antes posible presente un Anteproyectu de Llei coherente col resolvimientu güei aprobáu".

Asina mesmu, Ramos destacó’l trabayu de la Plataforma Asturiana Antifracking, por faer entender a los grupos políticos de la XGP y al restu de la sociedá asturiana, la importancia d’una posición clara na oposición al usu d’esta técnica.