Contra la Llei del Sector Eléctricu

Toles versiones d’esti artículu: [Asturianu] [Català] [Castellano] [Galego]

Ecoloxistes n’Acción, como miembru de la Plataforma por un Nuevu Modelu Enerxéticu, súmase a les protestes contra una llei preparada escontra de la ciudadanía, basada en fomentar el consumu d’eletricidá, y por si esto falla, amontar la factura.

La Llei que güei s’aprueba ye una reforma por que nada camude, basada namás en garantizar el pagu del escandalosu déficit de tarifa. La Llei naz muerta, al reconocer el ministru Soria, el so principal impulsor, y cara visible del Secretariu d’Estáu d’Enerxía, Alberto Nadal, qu’anguaño, va siguir habiendo déficit tarifario, que va superar probablemente los 30.000 millones, tres la retirada de los 3.600 millones d’euros que l’Estáu diba apurrir al traviés de los presupuestos xenerales del Estáu.

La nueva regulación ye un ataque a la democracia: preparóse de espaldes a la ciudadanía y al sector, y tramitóse pol procedimientu d’urxencia. Les sos bases son les de fomentar el consumu d’eletricidá y amontar la factura. Sigue na sienda de descreitu y la paralización de la producción d’enerxíes anovables, solmenando un golpe mortal a la seguridá xurídica del Estáu español, y calteniendo les ayudes de les enerxíes fósiles. Nun esanicia la posición dominante de mercáu de los cinco grandes eléctriques, como lo demuestra la escandalosa medría de precios d’avientu previu a la puya CESUR de güei mesmu.

Tampoco camuda la puya marginalista, el mecanismu de fixación de precios nel mercáu mayoritariu, polo que les centrales nucleares y les grandes preses van siguir teniendo beneficios “cayíos del cielu”. Ente estos beneficios estraordinarios, que tolos díes reciben fundamentalmente les grandes empreses del sector arrexuntaes na patronal UNESA, y les maniobres nun mercáu altamente aburuyáu, estes empreses siguen teniendo beneficios de miles de millones al añu, percima inclusive de la delda que reclamen.

La reforma va llegar inclusive a la esperpéntica situación de que el consumidores paguen a les térmiques de gas en ciclu combináu por tar paraes, mientres les renovables son definitivamente paralizaes, y les instalaciones yá construyíes sufren un duru golpe. Tan absurdu como’l peaxe de respaldu que’l gobiernu pretende imponer al autoconsumo a partir de renovables, col so famosu impuestu al Sol. Enzáncase’l autoconsumo, promovido per Europa, y que supon aforros bien importantes pa la sociedá ensin costu dalgunu pal sistema. L’oxetivu nun ye otru qu’el de caltener la posición dominante de les grandes eléctriques nun sector que se-yos va de les manos, porque yá ye más baratu pa los usuarios xenerar la enerxía a partir d’anovables que tomala de la rede.