Allegamientos al sondéu en Villaviciosa

Toles versiones d’esti artículu: [Asturianu] [Castellano]

Ante la publicación del proyectu de sondéu d’investigación “Viñón-1,” nel conceyu de Villaviciosa, Ecoloxistes n’Aición d’Asturies presentó los sos allegamientos ante Dirección Xeneral de Minería y Enerxía nes que pide que dichu proyectu se someta al procedimientu d’Evaluación d’Impactu Ambiental y la prohibición del llogru de gas natural por quebra hidráulica en tol territoriu asturianu.

La necesidá de la Evaluación d’Impactu Ambiental ye debida al fechu de que se trata d’una técnica nueva nel Estáu español, y n’Europa, y que la esperiencia n’EE.XX. paez tar detrás d’importantes daños al mediu ambiente y a la salú, como se recueye en distintos estudios. Amás, anque nesti casu tamos falando d’un únicu pozu, hai que tener en cuenta que forma parte d’un permisu d’investigación y el fraccionamiento de los proyectos; tal que yá reconoció la xurisprudencia n’otres ocasiones; nun puede utilizase pa evitar la evaluación ambiental, al amosar unes dimensiones menores que les que-y correspuenden en realidá, cuidao que, de llograse una resultancia positiva, y d’aplicase técniques de perforación por Quebra Hidráulica, el númberu de pozos d’esplotación va ser bien numberosu.

Tamién se debe de tener en cuenta la necesidá de considerar el permisu d’investigación nel so conxuntu y nun faer la revisión pozu per pozu, esto ye de suma importancia, teniendo en cuenta que’l númberu de permisos d’investigación solicitaos nel Principáu d’Asturies; amás de los esistentes n’otres provincies próximes; ye eleváu, polo que l’afección de territoriu ye muncho más importante que la que memoria d’esti proyectu en concretu amuésanos

Si a esto añeden los problemes acomuñaos al usu de recursos naturales, a la xeneración de rresiduos, a los problemes de contaminación debíos a les emisiones a l’atmósfera, y especialmente a la posible contaminación d’agües soterrañes y superficiales, por cuenta de que los fluyíos pa quebrar contienen sustances peligroses, y a que’l fluxu que se llogra dempués de quebrar puede contener metales pesaos y materiales radiactivos procedentes del xacimientu, ye polo que Ecoloxistes n’Aición d’Asturies pidió que se someta’l proyectu de sondéu d’investigación “Viñón-1” al procedimientu d’Evaluación d’Impactu Ambiental.

Tamién pidió, como yá se fixo en xineru d’este mesmu añu; ante l’anterior Presidente del Conseyu de Gobiernu del Principáu d’Asturies; la prohibición del llogru de gas natural por quebra hidráulica, incluyendo, la rellacionada col llogru de gas metanu de capes de carbón, con usu de fracturación inducida en tol territoriu asturianu.




Visites coneutáes: 434